[Palaestragax] TORNEO E LIGA DE PRIMAVERA DE XADREZ

[Asociación Galega de Axedrecistas]

TORNEO DE PRIMAVERA DE XADREZ

    O xogador do Dominicos Jesús Rodríguez gañou a edición anual do Torneo 
de Primavera de Xadrez, celebrada o pasado sábado.
    Jesús logrou ó final do torneo medio punto de avantaxe sobre os seus 
inmediatos perseguidores.
    Precisamente os dous seguintes clasificados; Francisco García do Sigrás 
e Héctor López do Palaestra chegaban a última rolda como favoritos xa que 
adiantaban en medio punto a Jesús Rodríguez, pero ambos perderon as súas 
partidas.

LIGA DE PRIMAVERA DE XADREZ

    Un ano mais e organizada pola Asociación de Entidades Culturais e 
Deportivas de Galicia, celebrase a Liga de Primavera de Xadrez que conta 
novamente co apoio de El Corte Inglés de A Coruña, onde se celebrará o 
vindeiro sábado.
    A competición é por equipos compostos de tres xogadores, sexan federados 
ou non, que ademais poden contar con suplentes se non desexan xogar tódalas 
roldas. As partidas xogaranse a un ritmo de 20 minutos por xogador.
    Sobre as competicións habituais, varia que se valorará o resultado do 
enfrontamento de xeito global e non por
taboleiros. De xeito que se un equipo gaña se lle concederá 1 punto, se 
empata medio e se perde se lle darán cero puntos.
    O desempate tamén é un pouco diferente ó normal, xa que será a suma dos 
tres mellores resultados dos xogadores do equipo no Torneo de Primavera 
realizado a semana pasada e do que dábamos conta antes.
    Segundo o número de inscritos o sistema de competición escollido será 
unha Liga ou ben un suizo por equipos.
    As roldas de xogo serán nos seguintes horarios: 17,00 - 17,45 - 18,30 - 
19,15 - 20,00
    O Torneo terá como premio trofeos para os tres primeiros clasificados e 
50 euros en tarxeta regalo de El Corte Inglés para o equipo clasificado en 
primeira posición.
    A entrega dos trofeos terá lugar o sábado 19 ás 20,45 (ó remate da 
última rolda).
    Os interesados poden apuntarse en correo en agax.org ou chamar ó 608084705.